INDAGANDO E EXPERIMENTANDO

A proposta que se nos presenta é levar a cabo uns "snack experiments", experimentos curtos e sinxelos, para coñecer e recoñecer que habilidades científicas se poden poñer en práctica con cada experiencia.

Experiencias para recoñecer habilidades from Belén Mariño

Estas experiencias véñennos dadas cunhas simples instrucións sobre o material necesario e unha pregunta para deducir que habilidades se poñer en práctica.

Acuario de refrescos

Nesta experiencia debemos observar que sucede cunhas determinadas latas de refresco normal e zero dentro dun recipiente con auga.

Eu probei con dúas latas de KAS laranxa normal e zero e con dúas latas de Coca-Cola normal e zero.

                                                                                                                                                            

Despois de metelas con coidado, observei que unhas afundíanse e outras non. Adiviñades cales flotaban?
Pois, mentres establecía hipóteses, comprobei que as que se afundían eran as latas de refresco normais. Aquelas baixas en azucre, zero, mantíñanse a flote. A interpretación do observado foi simple.
Certo é que me puxen a xogar con elas: movinnas e empuxeinas hacia abaixo. Entón as latas de KAS afundíronse e as de Coca-Cola mantíñanse flotando. Curioso, non?


Torre de cores
Esta si que foi entretida, pois a miña filla tiña curiosidade por ver que pasaba. Non cría que os distintos líquidos non se puideran mezclar, como se podía ver na foto.
Tiven que cambiar algúns elementos: os colorantes. Para o azul mezclei unha gotiña de témpera azul con auga, e no alcohol botei colorante alimentario laranxa.

   
Observamos que sucedía cada vez que se engadía un novo líquido. Formulamos hipóteses antes de verter cada elemento preguntándonos que podería pasar. Interpretamos cada fase: cando botabamos un novo líquido miramos con atención o que ocorría.
Finalmente, establecimos que os que se quedan abaixo son "máis pesados" e os outros líquidos, non. Pero que algúns non permitían "o paso" dos líquidos, é dicir, non se mezclaban entre eles.


Plano inclinado
Esta experiencia quizais resultou sinxela e obvia.
Probei con tres alturas distintas empregando anaquiños de madeira que tiña na casa para montar o plano inclinado, a rampla.
No primeiro intento, o plano tiña a máxima inclinación, a bola percorreu a superficie á máxima velocidade en comparación coas outras experiencias.
                       
    

Conforme o grao de inclinación diminuía, a velocidade de baixada da pelotiña aminoraba.
A observación do que acontece en cada intento, a planificación da práctica, investigar en cada fase o que está acontecendo e interpretar os datos das medicións (inclinación, velocidade), son as habilidades que se poñerían en acción.


Buzo

Neste caso, paréceme máis complicado que comprendan que é o que sucede cando presionamos a botella.


A min non me saíu ben no primeiro intento, pois a bolsiña de ketchup non se movía na botella.
Na segunda ocasión si se puido observar como ao aumentar a presión no interior da botella, a bolsiña desplazábase hacia abaixo influenciada por esa acción.
As habilidades que se poñen en práctica son a observación, formulación de hipóteses e interpretación do suceso.



             

POR QUE A INDAGACIÓN? PARA QUE A CIENCIA?

Indagar: Tratar de chegar ó coñecemento dunha cousa reflexionando sobre ela ou por conxecturas e probas.    Sinónimos: investigar, averiguar, pescudar, buscar, analizar, examinar, rastrexar, inspeccionar

A investigación na escola non estivo moi presente ata hai pouco que comenzou unha nova etapa na formación e na ensinanza. Posiblemente grazas á aplicación de novas metodoloxías, activas, que procuran o desenvolvemento de habilidades para conseguir os coñecementos establecidos no currículo e tamén daquelas competencias que permitirán acadar un desempeño correcto.

Xa que desenvolver as competencias supón moitos complementos circunstanciais: por que, para que, con quen, onde, cando se fai, etc., a investigación, como método empregado nos proxectos sobre todo, vai facilitar que se poida respostar á maioría destas cuestións.

Este curso supoñíame afondar máis na ABP (aprendizaxe basada en proxectos) e que cada vez que se propoña un traballo en grupo cooperativo, teñan moi claro o papel que debe desempeñar cada un e a finalidade dese traballo.

As ilusións están postas ó máximo.

EMPEZAMOS!!

Eu son Belén, mestra de profesión e de vocación. Aínda que comencei coa especialidade de PT, acabei de cheo na primaria. E por se fora pouco, na biblioteca escolar, coordinando grupos de traballo, facendo cursos online....a cabeza non para!
Comparto momentos cos meus compañeiros e compañeiras, e cas miñas alumnas e alumnos, no CEIP Xesús Golmar, que está situado na vila de Lalín, en Pontevedra. Non se está nada mal. 

Vaia, xa estamos noutra leria! 

Si!, a verdade é que sempre fai falta ter a cabeza enredada, pois parece que se non ando aquí e acolá, non descanso tranquila. E sempre teño por frase "que teño que aprender ben para poder ensinar mellor".

Desta vez imos introducirnos na ciencia, investigación, curiosidades varias como o título deste blog.

Ven, pois a partir de agora, todas e todos a investigar.